07.11.10-14.11.10 - Reisebericht von Weltwanderer

07.11.10

Huet am morge haets erst gregnet aber denn haet sich sWetter uftah und Suenneli isch fuehre cho.Han mich entschlosse nomal chli laenger blibe und zwar bis am 15.11.10.Ider Nacht uf Huet haets doch voll e Fluege i mis Innezelt gschafft,en huere stressfaktor und da ich am Rauche gsie bin und mit de Hand usgschlage han,hani grad es Brandloch is Fluegenetz brennt.Selber Gschuld im Zelt rauchtmer noed.Hans denn gflickt mit Verbandschlebstreife und hoffe es hebet es zitli.

08.11.10

sWetter isch nomal schlechter worde und lut Wetterbricht wirds au so blibe ide naechste Taeg Han huet en Portugis kennenglernt wo 12 Jahr ide Schwiz gschaft haet,Zueri und Arosa,Daniel heisster.Aber durch das Wetter isch sMeer no geiler worde,no groeseri Welle und es schuumt sich oepe bis 80 meter is Meer zrugg.De Maentig isch da wie en Sunntig,fast alles isch gschlosse und daher machi huet noed viel usser chli ufs Meer useluege und schlafe.Rasiert hanimi au wiedermal,aber dHaare ufem chopf werdet immer laenger und jetzte weiss ich wenigstens was fuer e Haarfarb ich han.

09.11.10

Wieder Rege und starche Wind.Doch ich han mich noed unterkreige lah und bin glich an Strand gange.Ueber Nacht haets viel Strandguet gah,richtigi Baeum und sMeer isch bis uf dStrass ufe cho,huere Fett

10.11.10

Endli wieder Sunne und das de ganz tag lang das heisst bis am 17:30 und denn gaht Sunne langsam unter,doch es isch schoen agnehm warm bi 18-20 Grad wenn noed meh.Isch das schoen eifach nur am Strand sitzte und nuet denke muesse.Han am Morge no rasch mis Zelt usglueftet und ufgruumt,das muen leider au mal sie

11.11.10

Wie jede Morge haets 10 min gregnet und denn gits e Pause.Bin iglade worde zum Daniel hei,was ich au gmacht han und er haet mier sies Huus zeigtund gmeint wenn ich will chani da go Ferie mache cho gratis   Er selber wohnt im untere Stock,3 1/2 Zimmer und denn no en obere Stock mit 3 Schlafzimmer,Chuchi,Stube,Bad.Wenn schoens Wucheend git werdetmer bi hm grilliere Ich gahne fast jede Tag idi glich Bar es paar Whisky und Bier go trinke,De Chef dete haet gmeint er bringt Morn portugisischi Spezialitaete mit zum Esse und Trinke und haet mich herzlichst iglade.Er haet mier denn au grad noh Pommes und e dicki omeltte gspendiert

12.11.10

Bin ich bim Daniel dehei gsie zum Esse.Hmm isch guet gsie echt aber leider nuet grillierts denn sWetter isch eimal meh schlecht gsie.Es haet geh-salat;ruebli,Zugini,Tomate und no en gruene-Riis mit Zwieble und Chnobli_pommes selber gmacht-Schweineschnitzel,12 Stuck und das fuer 3 Persone.-rote Wein.Sini Fruendin wohnt au dete.

13.11.10

Ischmer Champanier und Maroni gspendiert worde vom Chef ade Bar,wo uebrigens de Daniel au schafft so 5 h am Tag,2 Tag ide Wuche

14.11.10

Sunneschie ,so schoen,und das am letzte Tag bevors wieter gaht.Und denn isch de Rege cho so am 12:00/13:00.Wie das noed glange haet,nei,am 21:00 isches doch voll go Haggle cho aber defuer hani e gueti Pizza gah,vo wege Faste,siet ich da in bin hani eigentli jedetag was gesse,naja chan ja Morn wieder afange